Námskeið í Gallerý Brák

Í nóvember var haldið tveggja daga námskeið hjá Ólöfu í Gallerý Brák. Það voru sex hressir karlmenn frá Borgarnesi sem tóku þátt. Þetta var mjög skemmtilegt og hugmyndaflugið geystist um eins og hvítur stormsveipur um svæðið. Í fyrstu voru allir hikandi og vissu ekkert hvað væri sniðugt að mála á glerið, en eftir smá stund voru allir byrjaðir og máluðu hverja myndina á fætur annarri. Það var svo gaman að fylgjast með þegar listamennirnir uppgötvuðu hver af öðrum að þeir væru frábærir í þessu.

Sunnudaginn 2.desember kl 17 verður svo sölusýning í Gallerý Brák. Þar verða listaverk Outsiders Art listafólksins til sýnis og sölu. Allur ágóði rennur í sameiginlegan ferðasjóð Borgfirsku listamannanna og er draumur þeirra að komast á sýningu í Vín í Austurríki næsta vor. Þar sýna Evrópskir Outsiders Art listamenn verk sín og þar á meðal verða einhver þeirra verka sem voru unnin í Gallerý Brák.